Upgrade-eiginleikar.
Stilltur inn á þína framtíð.
Búðu bílinn undir framtíðina! Þegar þér hentar.
VW Connect og We Connect2 veita þér aðgang að nýjustu kynslóð netþjónustu í fjölmörgum gerðum Volkswagen-bíla. Bíllinn getur verið nettengdur frá fyrsta degi og þá stendur þér til boða mikið úrval VW Connect- eða We Connect-þjónustu. Þegar búið er að virkja þjónustuna og skrá sig inn með Volkswagen ID gerir VW Connect eða We Connect daglega lífið umtalsvert þægilegra. Nýr möguleiki er að hægt er að bæta völdum eiginleikum við Volkswagen-bílinn eftir að hann er keyptur. Þú getur sniðið bílinn að þínum þörfum, þegar þér hentar. Á einfaldan hátt ýmist í In-Car-netversluninni í upplýsinga- og afþreyingarkerfinu eða í Volkswagen Connect-versluninni. Hér getur þú sem aðalnotandi VW Connect eða We Connect séð hvaða Upgrades-eiginleikar3 eru í boði fyrir bílinn þinn á hverjum tíma og pantað þá beint í gegnum netið.
Volkswagen-bíllinn þinn getur alltaf lært eitthvað nýtt: Upgrades-eiginleikar fyrir bíla sem styðja VW Connect eða We Connect
Leiðsögukerfi: Rataðu rétta leið
Þarftu betri yfirsýn yfir akstursleiðina? Opnaðu þá fyrir leiðsögueiginleika í upplýsinga- og afþreyingarkerfinu Ready 2 Discover eftir á og bættu þannig þægilegu og aðgengilegu leiðsögukerfi við bílinn þinn. Þegar þú opnar fyrir eiginleikana færðu innbyggt, þægilegt og aðgengilegt leiðsögukerfi með kortum fyrir Evrópu og aðgangi að áfangastöðum (POI). Eftir að opnað er fyrir eiginleikana í bílnum verða þeir alltaf í boði óháð internettengingu eða VW Connect- eða We Connect-samningi. Auk þessara hagnýtu eiginleika sem hægt er að nota án nettengingar býður VW Connect Plus- eða We Connect Plus-leyfi einnig upp á fleiri gagnlegar netþjónustur til viðbótar. Með umferðarupplýsingum á netinu færð þú sem aðalnotandi upplýsingar um breytingar og hættur á akstursleiðinni því sem næst í rauntíma auk þess sem leiðarútreikningur á netinu sér til þess að leiðsögnin verði sem best. Ef stillingin „Deila staðsetningu“ er valin í upplýsinga- og afþreyingarkerfinu eru kortagögn uppfærð sjálfkrafa með reglulegu millibili með eiginleikanum „Uppfærsla korta á netinu“ þegar bíllinn er tengdur við netið.
Raddstýring4: „Halló Volkswagen“
Volkswagen-bíllinn þinn skilur þig. Þú segir einfaldlega „Halló Volkswagen“ til að byrja að tala við bílinn og getur þannig stjórnað tilteknum atriðum á borð við símann, afþreyingu og leiðsögukerfi á öruggan og þægilegan hátt. Til þess að geta notað raddskipanir í bílnum þarf að opna fyrir raddstýringu í upplýsinga- og afþreyingarkerfinu Ready 2 Discover 5 eða Discover Media. Allt eftir bílgerð og útbúnaði getur verið hægt að stjórna fjölda aðgerða í bílnum með raddstýringu. Þannig geturðu haldið athyglinni á veginum og notið akstursins enn betur.
App Connect6: Notaðu öppin þín í bílnum
Með App-Connect er hægt að tengja símann við Volkswagen-bílinn og nota tiltekin öpp og efni beint á skjá upplýsinga- og afþreyingarkerfisins. Þannig er til dæmis hægt að spila tónlist, hlusta á fréttir, skoða kort eða hlusta á hljóðbækur á einfaldan og þægilegan hátt. Volkswagen býður upp á tvenns konar tengimöguleika fyrir farsíma sem hver um sig býður upp á fjölda kosta: Apple CarPlay og Android Auto frá Google. Þráðlaus notkun Apple CarPlay og Android Auto frá Google er einnig möguleg með Upgrade-eiginleika fyrir leiðsögukerfið Discover Media og Ready 2 Discover. Til þess að trufla ökumanninn sem minnst er aðeins hægt að opna sérstaklega vottuð öpp meðan á akstri stendur.
Frekari Upgrade-eiginleikar fyrir Golf-bílinn þinn
Sjálfvirki hraðastillirinn ACC7: Heldur hæfilegri fjarlægð. Og hæfilegum hraða.
Sjálfvirki ACC-hraðastillirinn með fjarlægðarskynjara hjálpar þér að halda innstilltum aksturshraða á allt að 210 km/klst. Þegar Golf-inn þinn er kominn of nálægt næsta ökutæki á undan breytir ACC-hraðastillirinn aksturshraðanum sjálfkrafa til samræmis, innan marka kerfisins, og getur þannig haldið innstilltu fjarlægðinni.
Light Assist: Blinda engan. Við nánast öll skilyrði.
Með háljósastjórnuninni Light Assist í Golf sérðu akstur að næturlagi í nýju ljósi. Með myndavél fyrir aftan framrúðuna getur Light Assist greint ökutæki sem aka á undan eða koma úr gagnstæðri átt og skipt sjálfkrafa á milli lágu ljósanna og háu ljósanna. Þannig verður akstur í myrkri bæði þægilegri og öruggari.
Umferðarskiltagreining: sýnir það sem máli skiptir.
Umferðarskiltagreiningin getur, upp að vissu marki, greint hraðatakmarkanir, bann við framúrakstri og hættumerkingar með myndavél og birt samsvarandi upplýsingar í mælaborðinu. Þannig verður auðveldara fyrir þig að halda góðri yfirsýn í umferðinni.
Stemningslýsing (marglit): Fyrir innri ró.
Gefðu Golf-inum þínum persónulegri svip. Með því að bæta við grunnútgáfu stemningslýsingarinnar er hægt að lýsa upp innanrýmið með sérvöldum litum eftir stemningunni hverju sinni. Því með „stemningslýsing (marglit)“ sem Upgrade-eiginleika stendur þér til boða litapakki með auknu úrvali lita til að skapa lýsingaráherslur. Hvort sem þú kýst kaldari eða heitari liti, ekur um götur upplýstrar borgarinnar eða ert á ferð um landið að næturlagi: Í sérhverri ferð skapar þú sérstakt andrúmsloft fyrir þig og farþega þína.
Stemningslýsing (áhrif): upplýsandi í orðsins fyllstu merkingu.
Með „stemningslýsing (áhrif)“ eru mismunandi eiginleikar settir fram sjónrænt á auðskiljanlegan hátt með viðbót við grunnútgáfu stemningslýsingarinnar. Hér er meðal annars um að ræða viðvaranir og upplýsingar fyrir tiltekinn búnað, svo sem upplýsingar um hraðaaukningu eða viðvörun vegna hurðar.
Yfirlit yfir Upgrade-eiginleika fyrir Volkswagen-bílinn þinn
Hér færðu óformlegt yfirlit yfir hvaða völdum Upgrade-eiginleikum er hægt að bæta við bílinn. Bíllinn þarf að vera búinn þeim tæknilegu eiginleikum og vélbúnaði sem þarf fyrir viðkomandi Upgrade-eiginleika. Til þess að sjá hvaða eiginleikar eru í boði fyrir Volkswagen-bílinn þinn skaltu fara í In-Car-netverslunina í upplýsinga- og afþreyingarkerfinu eða í Volkswagen Connect-versluninni. Þar getur aðalnotandi séð hvaða eiginleikar eru í boði fyrir bílinn og keypt þá.
Golf 8 og útfærslur | Aðrir bílar sem styðja „VW Connect / We Connect“** | |
---|---|---|
Leiðsögukerfi | ✓ | ✓ |
Raddstýring | ✓ | ✓ |
App-Connect | ✓ | ✓ |
Háljósastjórnunin Light Assist | ✓ | - |
Stemningslýsing (marglit) | ✓ | - |
Stemningslýsing (áhrif) | ✓ | - |
Sjálfvirkur hraðastillir ACC | ✓ | - |
Umferðarskiltagreining | ✓ | - |
Golf 8 og útfærslur
✓
Aðrir bílar sem styðja „VW Connect / We Connect“**
✓
* Passat Variant, Arteon, Arteon Shooting Brake, Tiguan, Tiguan Allspace, Touran, T-Roc, T-Roc Cabriolet, T-Cross, Taigo, Polo