Touareg

Stór, stærri, stærstur: Discover Premium-leiðsögukerfið (aukabúnaður) býður upp á betri yfirsýn yfir kort og fjölbreytt úrval valmöguleika á 38 cm (15 tommu) víðskjá. Þú getur birt efni og eiginleika eftir eigin hentisemi, þar á meðal snjallsímaforritin þín. Með App-Connect í Car-Net er núna hægt að nota MirrorLink®, Apple CarPlay™ og Android Auto™ til að varpa völdum forritum í farsímum á Discover Premium-skjáinn. Sveigður skjárinn er einnig fyrir augað og hægt er að stjórna honum með snertingu, raddskipunum eða bendingum.

Með aðgerðastýrinu og upplýsinga- og afþreyingarkerfinu geturðu valið hvað á að birta á 31 cm (12,3 tommu) skjá stafræna ökumannsrýmisins (aukabúnaður): Til dæmis geturðu kallað fram akstursgögn, birt leiðsögukort á öllum skjánum eða þrívíddarskjá úr akstursaðstoðarkerfum, allt eftir þörfum. Leiðsögukortið býður einnig upp á aðdráttareiginleika. Auk þess er hægt að birta á öllum skjánum upplýsingar um lag sem er í spilun eða upplýsingar um tengilið sem verið er að tala við í síma. Ekki má heldur gleyma möguleikanum á að birta mismunandi upplýsingar saman, t.d. leiðsögukort og margmiðlunarskjá. Málið er einfalt: Upplýsingarnar eru ítarlegri. Og allar auðsjáanlegar.

Greinilegra verður það ekki: Sjónlínuskjárinn er aukabúnaður sem notar framrúðuna til að birta lykilupplýsingar um bílinn. Upplýsingar um hraða, skilaboð frá akstursaðstoðarkerfum eða leiðsögn eru beint fyrir framan þig, þú þarft ekki að líta á mælaborðið eða leiðsagnarskjáinn. Upplýsingarnar sjást þótt þær séu baklýstar og hægt er að færa þær til á framrúðunni. Hægt er að slökkva á sjónlínuskjánum þegar hans er ekki þörf.

Loftfjöðrunin lyftir akstursþægindum bókstaflega í hæstu hæðir. Touareg gerir þér kleift að velja þá akstursupplifun sem þú vilt með þremur stillingum, „COMFORT“, „NORMAL“ OG „SPORT“. Kerfið getur einnig hækkað bílinn um heila 258 mm. Auk þess er hægt að lækka afturhlutann um allt að 50 mm niður fyrir hefðbundna hæð til að auðvelda fermingu og affermingu.

Breiður, sterkbyggður, traustvekjandi: Aflmikið yfirbragð Touareg hefst á afgerandi framhlutanum. Lóðrétt grillið rennur saman við aðalljósin, með krómlistum sem ganga út frá miðlægu Volkswagen-merkinu og yfir aðalljósin. Ílöng vélarhlífin hefur skarpar línur sem gefa bílnum sportlegt yfirbragð. 

Afturhlutinn er engu síðri: skarpar hliðarlínur og breið afturljós undirstrika framúrstefnulegt útlitið. Touareg-áletrunin er á áberandi stað fyrir miðjum afturhlutanum og gljásvartar þakvindskeiðar og stórir krómstútar á púströrum fullkomna afgerandi og aflmikið útlitið.

Gerðu Touareg R-Line að miðpunkti athyglinnar með því að velja svarta útlitspakkann: Áherslur á borð við gljásvart grill, svartar speglahlífar og gljásvarta lista á gluggum tryggja að bíllinn þinn fer ekki fram hjá neinum. 

Svarti útlitspakkinn á ytra byrði R-Line er í boði með Elegance- og Atmosphere-pökkunum.

Blár himinn eða stjörnufjöld yfir höfði: Um leið og þú opnar dyrnar tekur á móti þér afslappað og létt andrúmsloft sem býður upp á tilfinningu fyrir rými og frelsi, þökk sé stórum þakglugga með renniopnun og hallastillingu sem nær yfir aftursæti. Hægt er að lyfta þakglugganum og opna hann á einfaldan máta með einum hnappi og njóta sólargeislanna og ferska loftsins á heitum sumardögum.

Úrval felga undir Touareg geymir eitthvað fyrir alla: hvort sem leitað er að sportlegum stíl eða fáguðum – felgurnar falla fullkomlega að ytra byrðinu og undirstrika afgerandi útlit Touareg.

Hönnun innanrýmis Touareg hefur ekki eingöngu áhrif á andrúmsloft bílsins heldur lýsir það líka þínum persónulega smekk. Cortina Silver-listi er staðalbúnaður sem gefur miðstokki, mælaborði og hurðum stílhreint yfirbragð. Auk þess er hægt að velja tvo listapakka í sitt hvorum litnum: Atmosphere-pakki með Olive Ash-viðarlista skapar stílhreint andrúmsloft með ekta viði og einstakri áferð. Elegance-pakkinn gefur innanrýminu nútímalegt og framsækið yfirbragð með burstuðu áli og áferð sem vekur hvarvetna hrifningu. Hægt er að velja viðarlista með báðum pökkum. Einnig er hægt að fá bílinn afhentan með mælaborði með hágljáa. Veljirðu Innovision-ökumannsrými er mælaborðið alltaf með gljásvartri áferð.